: ఆక్లాండ్ అభిమానులను వినూత్నంగా ఆహ్వానించిన మెక్ కల్లమ్
న్యూజిలాండ్ లోని ఆక్లాండ్ లో రేపు జరగనున్న తొలి సెమీఫైనల్ మ్యాచ్ కు స్థానిక అభిమానులను కివీస్ కెప్టెన్ బ్రెండన్ మెక్ కల్లమ్ స్వయంగా ఆహ్వానించాడు. ఈ సందర్భంగా ఆక్లాండ్ లోని అన్ని ఆఫీసులను ఉద్దేశించి మెక్ కల్లమ్ బహిరంగ లేఖ రాశాడు. సౌతాఫ్రికాతో జరగనున్న మ్యాచ్ లో తమను ప్రోత్సహించేందుకు అభిమానులు రావాలని పిలుపునిచ్చాడు. మీకోసం ఒక సీటు, జాతీయ పతాకం ఎదురుచూస్తున్నాయని పేర్కొంటూ అభిమానుల్లో జాతీయభావం నింపాడు. అభిమానులకు రేపు సెలవు ప్రకటించాలని మెక్ కల్లమ్ ఆఫీసులను కోరాడు. స్వయంగా కివీస్ కెప్టెన్ ఆహ్వానించడంతో, రేపటి మ్యాచ్ కు ఆతిథ్య దేశ క్రికెట్ అభిమానులు భారీఎత్తున తరలివచ్చే అవకాశం ఉంది.
