: గన్నవరం చేరుకున్న ఏపీ సీఎం చంద్రబాబు... అనంతవరంలో తప్పెటగుళ్ల హోరు

---

నవ్యాంధ్రప్రదేశ్ నూతన రాజధాని పరిధిలోని తుళ్లూరు మండలం అనంతవరంలో ఉగాది వేడుకలు మరికాసేపట్లో ప్రారంభం కానున్నాయి. వేడుకలకు ముందుగా సాంస్కృతిక కార్యక్రమాలు కొద్దిసేపటి క్రితం ప్రారంభమయ్యాయి. సంప్రదాయ నృత్య రీతులు, డప్పు వాయిద్యాలు, తప్పెటగుళ్లతో కళాకారులు హోరెత్తిస్తున్నారు. ఈ వేడుకల్లో పాలుపంచుకునేందుకు ఏపీ సీఎం నారా చంద్రబాబునాయుడు నేటి ఉదయం హైదరాబాదు నుంచి బయలుదేరి కొద్దిసేపటి క్రితం గన్నవరం ఎయిర్ పోర్టు చేరుకున్నారు. అక్కడి నుంచి ఆయన రోడ్డు మార్గం మీదుగా అనంతవరం చేరుకోనున్నారు.