: రెండు నెలల్లో 291 అత్యాచార కేసులు... ఇదీ మన దేశ రాజధాని హీనస్థితి
మహిళలపై ఎన్నో అత్యాచార ఘటనల్లో దోషులకు శిక్షలు పడుతున్నా దేశ రాజధాని ఢిల్లీలో మాత్రం పరిస్థితి ఘోరంగానే ఉంది. ఈ ఏడాది జనవరి, ఫిబ్రవరి నెలల్లో ఢిల్లీలో ఏకంగా 291 అత్యాచార కేసులు నమోదయ్యాయి. ఈ వివరాలను స్వయంగా కేంద్ర హోంశాఖ సహాయమంత్రి హరీభాయ్ చౌదరి రాజ్యసభలో వెల్లడించారు. విపక్ష సభ్యులు అడిగిన ప్రశ్నకు బదులుగా ఈ సమాధానం ఇచ్చారు. అంతేగాక, దేశ రాజధానిలో 2012లో 706... 2013లో 1636... 2014లో 2166 అత్యాచార కేసులు నమోదయ్యాయని తెలిపారు. మహిళల భద్రతకు కేంద్ర ప్రభుత్వం అనేక చర్యలు తీసుకుంటోందని... నగరంలో 5200 సీసీ కెమెరాలను ఏర్పాటు చేస్తున్నామని చెప్పారు.
