: 'తెలంగాణ టుడే'... కేసీఆర్ కొత్త దినపత్రిక?

---

తెలంగాణ రాష్ట్రంలో బాగా ప్రాచుర్యం పొందిన 'నమస్తే తెలంగాణ' దినపత్రిక, 'టి న్యూస్' చానల్ వెనుక కేసీఆర్ కుటుంబం ఉందన్నది తెలిసిన విషయమే. సొంత మీడియా సాయంతో కేసీఆర్ తెలంగాణ ఉద్యమాన్ని తారస్థాయికి తీసుకెళ్లారు. ఇప్పుడు కేసీఆర్ ఓ ఆంగ్ల దినపత్రికను కూడా ప్రారంభించేందుకు సన్నాహాలు చేసుకుంటున్నారట. 'తెలంగాణ టుడే' పేరిట ఈ పేపర్ ను తీసుకువస్తున్నట్టు సీఎం సన్నిహితులు చెబుతున్నారు. ఈ దినపత్రిక మరో రెండుమూడు నెలల్లో రానుందట. 2011లో ప్రారంభమైన 'నమస్తే తెలంగాణ' పేపర్ ప్రస్తుతం తెలంగాణలో ప్రజాదరణ పొందింది. దీనికి హైదరాబాద్, కరీంనగర్, వరంగల్, ఖమ్మం, నల్గొండ, మహబూబ్ నగర్, నిజామాబాద్ లో యూనిట్లున్నాయి. ఆంగ్ల దినపత్రికను ఈ యూనిట్లలో కొన్నింటి ద్వారా ప్రచురించే అవకాశాలు కనిపిస్తున్నాయి.