: ఒబామా భారత పర్యటన షెడ్యూలు ఖరారు
భారత గణతంత్ర దినోత్సవ వేడుకలకు ముఖ్య అతిథిగా విచ్చేస్తున్న బరాక్ ఒబామా పర్యటన షెడ్యూల్ ఖరారయింది. ఈ నెల 25న ఆయన భారత్ విచ్చేస్తారు. మూడు రోజుల పాటు దేశంలో పర్యటించి 27న తిరిగి వెళతారు. ఈ సందర్భంగా వివిధ కంపెనీల సీఈవోలతో ఆయన సమావేశమవుతారు. అంతేకాకుండా, ప్రపంచ వింతల్లో ఒకటిగా పేరుగాంచిన తాజ్ మహల్ ను కూడా దర్శించుకుంటారు. ఒబామా పర్యటన సందర్భంగా, ఢిల్లీతో పాటు ఆయన పర్యటించే ప్రాంతాల్లో భారీ బందోబస్తు ఏర్పాటు చేయనున్నారు.
