: నేడు ఢిల్లీ పర్యటనకు గవర్నర్ నరసింహన్
ఉమ్మడి రాష్ట్రాల గవర్నర్ ఈఎస్ఎల్ నరసింహన్ నేడు ఢిల్లీ పర్యటనకు బయలుదేరుతున్నారు. రెండు రోజుల పాటు ఢిల్లీలో పర్యటించే ఆయన, తెలుగు రాష్ట్రాల మధ్య తలెత్తిన వివాదాల పరిష్కారంపై దృష్టి సారించనున్నారు. ఇందులో భాగంగా ఆయన పలువురు కేంద్ర మంత్రులతో పాటు ప్రధాని నరేంద్ర మోదీతోనూ భేటీ అయ్యే అవకాశాలున్నాయి. నేడు తొలి రోజు పర్యటనలో భాగంగా రాష్ట్రపతి ప్రణబ్ ముఖర్జీ, కేంద్ర మంత్రులు, హోం మంత్రిత్వ శాఖాధికారులతో ఆయన భేటీ అవుతారు.
