: హైదరాబాదీలు సెలవులన్నింటినీ పెళ్లిళ్లలకే వెచ్చిస్తున్నారట!
సెలవులొస్తే ఏం చేస్తాం? సరదాగా కుటుంబంతో గడపడమో, లేకపోతే దూరాన ఉన్న తల్లిదండ్రులను పలకరించడమో చేస్తాం. అయితే ఇటీవల కాలంలో సెలవులను హైదరాబాదీలు వివాహ వేడుకలకు హాజరయ్యేందుకు, బంధుమిత్రులను కలిసేందుకే వినియోగిస్తున్నారట. ప్రముఖ ట్రావెల్ ఏజెన్సీ ఎక్స్ పెడియా నిర్వహించిన సర్వేలో ఈ విషయం తేలింది. పెళ్లిళ్లకు వెళ్లేందుకు హైదరాబాదీలు పక్కా ప్రణాళికలు రచించుకుంటారని కూడా ఈ సర్వే తేల్చింది. ఇక సెలవులను వాడుకోని వారు హైదరాబాద్ లో 52 శాతం ఉన్నారు. సెలవుల కన్నా, వేతనం పెరిగితే బాగుంటుందని 67 శాతం మంది హైదరాబాదీలు భావిస్తున్నారు. ముంబై వాసులు మాత్రం సెలవులను వాడుకునేందుకు బదులు పనిచేసేందుకే ప్రాధాన్యమిస్తారని తేలింది. బెంగళూరు వాసులు కూడా ముంబైకర్ల బాటలోనే నడుస్తున్నారు. వీరికి భిన్నంగా సెలవులను సరదాగా గడిపేందుకే ఢిల్లీ వాసులు ప్రాధాన్యమిస్తున్నారు.
