: పోతులూరి వీరబ్రహ్మంగారిలాగే కేసీఆర్ కూడా భవిష్యత్తును ఊహించగలరట!
తెలంగాణ శాసనసభ స్పీకర్ మధుసూదనాచారి ముఖ్యమంత్రి కేసీఆర్ పై తనకున్న స్వామి భక్తిని చాటుకున్నారు. పోతులూరి వీరబ్రహ్మేంద్రస్వామిగారిలాగే కేసీఆర్ కూడా భవిష్యత్తును ఊహించగలరని అన్నారు. తెలంగాణ రాష్ట్రాన్ని సాధిస్తామని కేసీఆర్ ముందే చెప్పారని... అదే జరిగిందని చెప్పారు. కరీంనగర్ జిల్లా ధర్మారం మండలం కటికెనపల్లి గ్రామంలో ఉన్ శ్రీమద్విరాట్ పోతులూరి వీరబ్రహ్మేంద్రస్వామి మఠంలో జరిగిన ఉత్సవాలకు మధుసూదనాచారి హాజరయ్యారు. అనంతరం ఆయన మీడియాతో మాట్లాడుతూ పైవ్యాఖ్యలు చేశారు.
