: రూపాయితో బోలెడు కొనుక్కోవచ్చు!
రూపాయితో ఏం కొనగలం అనుకుంటున్నారా? లేక, భారత్ లో రూపాయికి ఏం వస్తాయనుకుంటున్నారా? అయితే, రూపాయితో మనం ఏమేం చేయగలమో ఆ వివరాలు ఇవిగో..! రూపాయికి సులభ్ కాంప్లెక్స్ లోకి వెళ్ళి రావచ్చు. రైల్వే స్టేషన్లు, బస్ స్టేషన్లలో మన బరువు తెలుసుకోవచ్చు. తమిళనాడు వెళితే 'అమ్మ' క్యాంటీన్లో ఇడ్లీ తినొచ్చు. ఓ జిరాక్స్ కాపీని రూపాయితోనే సొంతం చేసుకోవచ్చు. తిన్నది అరిగించుకోవడానికో, కడుపులో మంట తగ్గించుకోవడానికో ఓ జెలూసిల్ టాబ్లెట్, దేన్నైనా అగ్నికి ఆహుతి చేయగల అగ్గిపెట్టె, తలకు పట్టిన మురికిని వదిలించే షాంపూ సాషే ... ఇలా, ఇంకెన్నో ఉన్నాయి. నేషనల్ ఎయిడ్స్ కంట్రోల్ ఆర్గనైజేషన్ అందించే నిరోధ్ బ్రాండ్ 5 డీలక్స్ కండోమ్ ల ప్యాక్ వెల రూ.3. దానర్థం, సింగిల్ కండోమ్ ధర రూపాయి కన్నా తక్కువే. ఇక, పార్లమెంటుకు వెళితే రూపాయితో టీ తాగొచ్చు, రూపాయితో చపాతీ తినొచ్చు. అయితే, రైస్ మాత్రం అక్కడ 2 రూపాయలట.
