: ప్రపంచంలో రెండవ ధనిక నటుడిగా షారుక్!
ప్రపంచంలోనే అత్యంత ధనవంతులైన నటుల్లో బాలీవుడ్ నటుడు షారుక్ ఖాన్ ద్వితీయ స్థానంలో నిలిచాడు. హాలీవుడ్, బాలీవుడ్ నటులతో కలిపి 'వెల్త్ -ఎక్స్' అనే సంస్థ రూపొందించిన జాబితాలో పలువురు ధనవంతులైన నటుల పేర్లను పేర్కొంది. ఇందులో హాలీవుడ్ కమెడియన్ జెర్రీ సిన్ ఫెల్డ్ మొదటి స్థానంలో నిలిచాడు. దాదాపు 820 (4,818 కోట్లు) మిలియన్ డాలర్ల సంపదతో ఆరవైఏళ్ల ఆ నటుడు ఈ జాబితాలో ధనవంతుడిగా నిలిచారు. ఈ జాబితాలో తొలిస్థానంలో ఉన్న పదిమంది నటులలో భారత్ నుంచి చోటు సంపాదించుకున్న నటుడు షారుక్ ఒక్కడే కావడం విశేషం. టామ్ క్రూస్, టామ్ హాంక్స్, క్లింట్ ఈస్ట్ ఉడ్, ఆడమ్ శాండ్లర్ కన్నా ధనవంతుడిగా షారుక్ రికార్డులకెక్కాడు. షారుక్ సంపద ఏకంగా 600 (3,500 కోట్లు) మిలియన్ డాలర్లకు చేరుకుంది.
