: నరేంద్రమోడీపై అనుపమ్ ఖేర్ ప్రశంసల జల్లు
కాబోయే ప్రధాని నరేంద్రమోడీపై బాలీవుడ్ నటుడు అనుపమ్ ఖేర్ ప్రశంసల జల్లు కురిపించాడు. మోడీ గొప్ప దేశభక్తుడు, గొప్ప నాయకుడు అని అనుపమ్ ఖేర్ కితాబిచ్చారు. ఢిల్లీలోని గుజరాత్ భవన్ లో మోడీని కలుసుకున్న ఫొటోలను ఖేర్ ట్విట్టర్ లో ఉంచారు.
కాబోయే ప్రధాని నరేంద్ర మోడీని కలుసుకోవడం గొప్ప అనుభూతినిచ్చిందని, మోడీ దేశభక్తి, పోరాట పటిమ జయహో అంటూ అనుపమ్ ట్వీట్ చేశారు. ఇటీవల జరిగిన సార్వత్రిక ఎన్నికల్లో చండీఘడ్ లోక్ సభ నియోజకవర్గం నుంచి అనుపమ్ ఖేర్ సతీమణి కిరణ్ ఖేర్ బీజేపీ తరపున ఘనవిజయం సాధించిన సంగతి తెలిసిందే.
