: సీమాంధ్ర ఎంపీటీసీ ఫలితాలివే
సీమాంధ్రలోని స్థానిక సంస్థల ఎన్నికల ఓట్ల లెక్కింపు ప్రక్రియ పూర్తయినట్టు రాష్ట్ర ఎన్నికల సంఘం అధికారి నవీన్ మిట్టల్ ప్రకటించారు. హైదరాబాద్ లో ఆయన మాట్లాడుతూ, సీమాంధ్రలో మొత్తం 10,092 ఎంపీటీసీ స్థానాలకు ఎన్నికలు నిర్వహించగా, టీడీపీ 5,216 స్థానాలను గెలుచుకుందని తెలిపారు. వైకాపా 4,199, కాంగ్రెస్ 172, సీపీఎం 24, సీపీఐ 14 స్థానాల్లో గెలుపొందాయని చెప్పారు. బీజేపీ 18 ఎంపీటీసీలను గెలుచుకోగా స్వతంత్రులు 428 చోట్ల గెలుపొందారని తెలిపారు. మిగిలిన స్థానాలకు రీపోలింగ్ నిర్వహించాల్సి ఉందని నవీన్ మిట్టల్ తెలిపారు.
