: నేడు చంద్రబాబు, పవన్ కల్యాణ్ పర్యటన వివరాలు
టీడీపీ అధినేత చంద్రబాబునాయుడు ఈ రోజు ప్రకాశం, గుంటూరు, కృష్ణా జిల్లాల్లో పర్యటించనున్నారు. ఉదయం 10 గంటలకు రేణిగుంట విమానాశ్రయం నుంచి హెలికాప్టర్ లో బయలుదేరి ప్రకాశం జిల్లా గిద్దలూరు చేరుకుని అక్కడ ఏర్పాటు చేసిన బహిరంగసభలో ప్రసంగిస్తారు. మధ్యాహ్నం ఒంటి గంటకు చిలకలూరిపేట బహిరంగసభలో మాట్లాడతారు. అనంతరం మధ్యాహ్నం 2.15 గంటలకు అవనిగడ్డలో, 3.15 గంటలకు తెనాలిలో జరిగే బహిరంగసభల్లో ఆయన పాల్గొని ఉపన్యసిస్తారు.
ఇక, జనసేన పార్టీ అధ్యక్షుడు పవన్ కల్యాణ్ ఈ రోజు చిత్తూరు, అనంతపురం జిల్లాల్లో ఎన్నికల ప్రచారం నిర్వహించనున్నారు. ఉదయం 10 గంటలకు రేణిగుంట నుంచి బయలుదేరి 10.30 గంటలకు చిత్తూరు చేరుకుని అక్కడ జరిగే బహిరంగసభలో ప్రసంగిస్తారు. అనంతరం మధ్యాహ్నం 12.30 గంటలకు అనంతపురంలో ఏర్పాటు చేసిన బహిరంగసభలో మాట్లాడతారు.
