: వరంగల్ పై రాహుల్ గాంధీ ప్రేమ
ఏఐసీసీ ఉపాధ్యక్షుడు రాహుల్ గాంధీ వరంగల్ జిల్లాపై ఎనలేని ప్రేమ చూపి వరాల జల్లు కురిపించారు. వరంగల్ లో బహిరంగ సభ సందర్భంగా ఆయన మాట్లాడుతూ, వరంగల్ ను రాష్ట్రంలో రెండో అభివృద్ధి చెందిన నగరంగా తీర్చిదిద్దుతామని అన్నారు. ప్రపంచంలోనే పేరెన్నికగన్న ఐటీ పార్కును వరంగల్ లో నిర్మించాలనుకున్నట్టు తెలిపారు. అలాగే టెక్స్ టైల్ పార్కును కూడా ఏర్పాటు చేస్తామని అన్నారు.
150 కోట్ల రూపాయలతో ఎయిమ్స్ స్థాయి మెడికల్ కళాశాల ఏర్పాటు చేస్తామని వెల్లడించారు. అలాగే భూపాలపల్లి పరిసరాల్లో 800 మెగావాట్ల విద్యుత్కేంద్రం ఏర్పాటు చేస్తామని చెప్పారు. హైదరాబాద్ తరువాత మరో ఐటీ నగరంగా వరంగల్ ను తయారు చేస్తామని రాహుల్ గాంధీ అన్నారు. అందుకే కాంగ్రెస్ పార్టీని గెలిపించాలని ఆయన విజ్ఞప్తి చేశారు.
