: హిట్లర్, చంద్రబాబు ఇద్దరూ నియంతలే: షర్మిల
హిట్లర్ ఎంత నియంతో... చంద్రబాబు కూడా అంతే నియంత అని వైఎస్ షర్మిల అన్నారు. హిట్లర్ కు ఎంత అధికార దాహమో, చంద్రబాబుకూ అంతే అధికార దాహమని ఆమె పేర్కొన్నారు. ఇద్దరూ ఒకే రోజున పుట్టారని ఆమె తెలిపారు. ఎన్నికల ప్రచారంలో భాగంగా ఇవాళ హైదరాబాదులోని యూసఫ్ గూడలో నిర్వహించిన రోడ్ షోలో షర్మిల పాల్గొని ప్రసంగించారు.
ఓడిపోతాననే భయంతో చంద్రబాబు గోబెల్స్ ప్రచారానికి తెరలేపారని ఆమె ఆరోపించారు. హైటెక్ సిటీ ఒక్కటి కట్టి హైదరాబాదు మొత్తం తానే అభివృద్ధి చేశానని గొప్పలు చెప్పుకుంటున్నారని అన్నారు. నాడు జీహెచ్ఎంసీ జీవోను రద్దు చేసింది చంద్రబాబేనని ఈ సందర్భంగా గుర్తు చేశారు. ఐఎంజీకి అప్పనంగా భూములు కట్టబెట్టింది చంద్రబాబేనని షర్మిల ఆరోపించారు.
