: కుప్పకూలిన భారత్ టాపార్డర్... అండర్-19 వరల్డ్ కప్
అండర్-19 వరల్డ్ కప్ లో నేడు క్వార్టర్ ఫైనల్ ఆడుతున్న భారత కుర్రాళ్ళు తడబడ్డారు. ఇంగ్లండ్ తో మ్యాచ్ లో టాస్ గెలిచి బ్యాటింగ్ ఎంచుకున్న భారత్ యువ జట్టు 24 పరుగులకే 4 వికెట్లు కోల్పోయి చిక్కుల్లో పడింది. ఇంగ్లండ్ బౌలర్ ఫిషర్ 3 వికెట్లు తీసి భారత టాపార్డర్ ను కకావికలం చేశాడు. కాగా, కెప్టెన్ విజయ్ జోల్ (48), హుడా (49 బ్యాటింగ్) జోడీ ఐదో వికెట్ 87 పరుగులు జోడించడంతో జట్టు కాస్త కోలుకుంది. ప్రస్తుతం భారత్ స్కోరు 34 ఓవర్లలో 5 వికెట్లకు 118 పరుగులు. ఈ మ్యాచ్ కు యూఏఈలోని దుబాయ్ ఇంటర్నేషనల్ స్టేడియం వేదిక.
