: కాంగ్రెస్ లో విలీనం వద్దంటున్న టీఆర్ఎస్ శ్రేణులు
ఓ వైపు తెలంగాణను ఏర్పాటు చేస్తే టీఆర్ఎస్ ను కాంగ్రెస్ లో విలీనం చేస్తానన్న కేసీఆర్ హామీ... మరోవైపు తెలంగాణను ఇచ్చాం, టీఆర్ఎస్ ను విలీనం చేయండన్న కాంగ్రెస్ నేతల ఒత్తిడి... ఈ నేపథ్యంలో టీఆర్ఎస్ ను కాంగ్రెస్ పార్టీలో విలీనం చేస్తారా? లేక, కేవలం పొత్తు మాత్రమే పెట్టుకుంటారా? అనే విషయంపై రాష్ట్రంలోనే కాదు, జాతీయ స్థాయిలో కూడా చర్చలు ఊపందుకున్నాయి. ఈ క్రమంలో, విలీనం వద్దంటూ కేసీఆర్ కు టీఆర్ఎస్ శ్రేణులు విన్నవించుకుంటున్నాయి. ప్రస్తుత పరిస్థితుల్లో తెలంగాణలో అన్ని సీట్లను తాము గెలుచుకుంటామని... ఈ నేపథ్యంలో విలీనం చేయరాదంటూ తమ అధినేతకు విజ్ఞప్తి చేస్తున్నారు. అయితే, కేసీఆర్ నుంచి ఈ విషయంలో ఇంత వరకు ఎలాంటి స్పష్టత రాలేదు.
