: శాసనసభ అరగంట పాటు వాయిదా
శాసనసభ సమావేశాలు ఈరోజు ఉదయం 9 గంటలకు ప్రారంభమయ్యాయి. సభ ప్రారంభమైన వెంటనే విపక్షాలు ఇచ్చిన వాయిదా తీర్మానాలను తిరస్కరిస్తున్నట్టు స్పీకర్ నాదెండ్ల మనోహర్ ప్రకటించడంతో, వైఎస్సార్సీపీ సభ్యులు స్పీకర్ పోడియంను చుట్టుముట్టి సమైక్యాంధ్రకు మద్దతుగా నినాదాలు చేశారు. దీంతో తెలంగాణ సభ్యులు కూడా తెలంగాణకు మద్దతుగా నినాదాలు చేశారు. ఈ గందరగోళం మధ్య సభ నిర్వహణకు సహకరించాలని వైఎస్సార్సీపీ సభ్యులకు, పదే పదే విజ్ఞప్తి చేసినా వారు పట్టించుకోకపోవడంతో సభను అరగంట పాటు వాయిదా వేస్తున్నట్టు స్పీకర్ ప్రకటించారు.
