: శాసనసభ ప్రారంభం .. వాయిదా
శాసనసభ ఈ రోజు ఉదయం 9 గంటలకు ప్రారంభమయ్యింది. ప్రారంభమయిన కొద్దిసేపటికే సభను స్పీకర్ నాదెండ్ల మనోహర్ వాయిదా వేశారు. తెలంగాణ, సమైక్య ఉద్యమాలపై కేంద్ర, రాష్ట్ర ప్రభుత్వాల వైఖరిపై చర్చను కోరుతూ టీడీపీ, సమైక్య తీర్మానం కోరుతూ వైఎస్సార్సీపీ ఇచ్చిన వాయిదా తీర్మానాలను తిరస్కరిస్తునట్టు స్పీకర్ ప్రకటించడంతో, ఇరుప్రాంతాల ఎమ్మెల్యేలు స్పీకర్ పోడియంను చుట్టుముట్టి నినాదాలు చేశారు. దీంతో స్పీకర్ సభను వాయిదా వేశారు. 10 గంటలకు బీఏసీ సమావేశాన్ని నిర్వహించాలని స్పీకర్ నిర్ణయం తీసుకోవడంతో, సమావేశం అనంతరం శాసనసభ తిరిగి ప్రారంభంకానుంది.
