: శాసనసభ సమావేశాలు ప్రారంభం ... గంటపాటు వాయిదా
శాసనసభ సమావేశాలు ఈ రోజు ఉదయం 9 గంటలకు ప్రారంభమయ్యాయి. సభ ప్రారంభమైన వెంటనే తెలంగాణ సమైక్యాంధ్ర ఉద్యమాలపై కేంద్ర, రాష్ట్ర ప్రభుత్వాల వైఖరిపై చర్చను కోరుతూ టీడీపీ, సమైక్య తీర్మానం కోరుతూ వైఎస్సార్సీపీ ఇచ్చిన వాయిదా తీర్మానాలను తిరస్కరిస్తున్నట్టు స్పీకర్ నాదెండ్ల మనోహర్ ప్రకటించారు. ఇరుప్రాంతాలకు చెందిన ఎమ్మెల్యేలు నినాదాలతో స్పీకర్ పోడియంను చుట్టుముట్టి ఆందోళనకు దిగారు. దీంతో సభ తెలంగాణ, సమైక్యాంధ్ర నినాదాలతో దద్ధరిల్లింది. సభ్యుల ఆందోళనల మధ్య స్పీకర్ సభను గంటపాటు వాయిదా వేశారు.
