: ఆరేళ్ల చిన్నారిపై నలుగురు విద్యార్థుల అత్యాచారం
అభం శుభం తెలియని ఆరేళ్ల చిన్నారిపై నలుగురు విద్యార్థులు అత్యాచారం చేశారు. దారుణమైన విషయం ఏంటంటే... అత్యాచారానికి పాల్పడిన వారంతా 14 ఏళ్లలోపు వారే. ఈ ఘటన మహబూబ్ నగర్లో నిన్న రాత్రి జరిగింది. స్థానిక గోల్ మజిద్ లోని ఓ టీచర్ వద్దకు ఈ నలుగులు విద్యార్థులు ట్యూషన్ కు వెళుతున్నారు. అక్కడికే ఆ చిన్నారి కూడా వస్తోంది. గత కొన్ని రోజులుగా ఆ అమ్మాయితో స్నేహంగా మెలిగిన ఈ నలుగురూ... నిన్న రాత్రి ట్యూషన్ వదిలిన తర్వాత, ఓ ఇంట్లోకి తీసుకెళ్లి అత్యాచారం చేశారు. అంతేకాకుండా, ఎవరికైనా చెబితే చంపేస్తామని బెదిరించారు. ఏడ్చుకుంటూ ఇంటికెళ్లిన ఆ చిన్నారి జరిగిన విషయాన్ని తన తల్లికి తెలిపింది. ఆమె వెంటనే పోలీసులకు ఫిర్యాదు చేయగా, పోలీసులు నలుగురు విద్యార్థులను అదుపులోకి తీసుకుని స్టేషన్ కు తరలించారు. కేసు దర్యాప్తు చేస్తున్నట్టు వన్ టౌన్ సీఐ తెలిపారు.
