: బిల్లును విమానంలో కాక ఎడ్ల బండిలో తెస్తారా?: హరీష్ రావు
'తెలుగుజాతిపై యుద్ధానికి వచ్చినట్టు, బిల్లును యుద్ధ విమానంలో తెస్తారా?' అంటూ తెదేపా అధినేత చంద్రబాబు చేసిన వ్యాఖ్యలపై టీఆర్ఎస్ నేత హరీష్ రావు మండిపడ్డారు. బిల్లును విమానంలో కాక ఎడ్ల బండిలో తెస్తారా? అంటూ ఎద్దేవా చేశారు. ఢిల్లీనుంచి బిల్లును విమానంలోనే తెస్తారని తెలిపారు. ఆయన గత చరిత్రను గుర్తుకు తెచ్చుకుంటే మంచిదని చెప్పారు. గతంలో ఎన్టీఆర్ ను పదవీచ్యుతుడిని చేసే సమయంలో... "అప్పటి శాసనసభ స్పీకర్ యనమలను తుని నుంచి హెలికాప్టర్ లో విశాఖపట్నానికి, అక్కడి నుంచి ప్రత్యేక విమానంలో హైదరాబాద్ కు పిలిపించలేదా?" అంటూ ప్రశ్నించారు. తెలంగాణ ఏర్పాటు ఖాయమన్న నేపథ్యంలో, చంద్రబాబు సంయమనం కోల్పోయారని అన్నారు.
