: మార్కెట్లోకి సరికొత్త బెంజ్ కారు
కొత్త లగ్జరీ కారును జర్మనీ కార్ల ఉత్పత్తి సంస్థ మెర్సిడేజ్ బెంజ్ మార్కెట్ లోకి ప్రవేశపెట్టింది. ఎస్ఎల్ కే 55 ఏఎమ్ జీ అనే మోడల్ కారును ప్రవేశపెట్టినట్టు బెంజ్ ఇండియా మేనేజర్ తెలిపారు. ఎక్స్ షో రూమ్ ధర 1.26 కోట్ల రూపాయలుగా నిర్ణయించారు. భారత్ లో ఈ సంవత్సరం ప్రవేశపెట్టిన కార్లలో ఇది ఎనిమిదో మోడల్ అని తెలిపారు. భారతీయుల కోసం గ్లోబల్ పోర్ట్ ఫోలియో నుంచి ప్రత్యేకంగా అందించామని సీఈఓ ఎబెర్ హార్డ్ కెర్న్ తెలిపారు. కాంపాక్ట్ లగ్జరీ కార్ ఏ క్లాస్, బీ క్లాస్ డీజిల్, జీఎల్ క్లాస్ లు ఈ సంవత్సరం ప్రవేశపెట్టిన వాటిలో ఉన్నాయి. బెంజ్ కార్లకు వినియోగదారుల నుంచి మంచి స్పందన లభిస్తోందని కెర్న్ ఆనందం వ్యక్తం చేశారు.
