: జమ్మూ కాశ్మీర్ లో పేలుడు.. ముగ్గురి మృతి
జమ్మూ కాశ్మీర్లో ప్రమాదవశాత్తూ జరిగిన పేలుడులో ముగ్గురు మరణించారు. ఉదంపూర్ జిల్లాలో ఓ నిర్మాణ స్థలం నుంచి పేలుడు పదార్థాలు తరలిస్తుండగా ఘటన జరిగిందని పోలీసులు తెలిపారు. పంచేరి బెల్ట్ లోని లడ్డా వద్ద ఓ మౌలిక నిర్మాణ సంస్థ పీఎంజీయస్వై పథకం కింద పని పూర్తి చేసింది. దీంతో సామగ్రి తరలించేందుకు సిబ్బంది సమాయత్తమవ్వగా ప్రమాదవశాత్తు పేలుడు సంభవించింది. దీంతో అక్కడికక్కడే ఒకరు మరణించగా, మరో ఇద్దరు ఆసుపత్రికి తరలిస్తుండగా మరణించారు.
