: అఫ్జల్ గురును 'షాహిబ్'గా సంబోధించిన ఒమర్ అబ్దుల్లా
పార్లమెంటు దాడి నిందితుడు అఫ్జల్ గురు ఉరితీతపై జమ్మూ కాశ్మీర్ అసెంబ్లీలో ఇంకా చర్చ జరుగుతూనే ఉంది. భారత్ ప్రభుత్వం అఫ్జల్ కు ఉరి శిక్ష అమలు చేయడంపై ఆ రాష్ట్ర అధికార, ప్రతిపక్ష పార్టీలు తీవ్రంగా మండిపడుతున్నాయి. కాగా, ఈ రోజు సభలో జమ్మూ కాశ్మీర్ ముఖ్యమంత్రి ఒమర్ అబ్దుల్లా .. అఫ్జల్ గురును 'షాహిబ్' అంటూ పిలిచారు.
'షాహిబ్' అనే పదాన్ని ఓ వ్యక్తికి గౌరవం ఇచ్చేందుకు ఉపయోగిస్తారు. ఒమర్, గురును రక్షించడంలో విఫలమయ్యారని ప్రతిపక్షాలు ఆగ్రహం వ్యక్తం చేశాయి. అయితే, గురుకు మరణ శిక్ష విధించిన సమయంలో కాశ్మీర్ లోయలో పరిస్థితిని సమర్ధవంతంగా ఎదర్కొన్నామని ఒమర్ చెప్పారు. కానీ, గురుని ఉరితీయడం రాజకీయమని విమర్శించారు.
