: ఈఆర్సీ చైర్మన్ బాధ్యతలు స్వీకరించిన భాస్కర్
రాష్ట్ర విద్యుత్ నియంత్రణ మండలి(ఈఆర్సీ) చైర్మన్ గా విశ్రాంత ఐఏఎస్ అధికారి వి.భాస్కర్ బాధ్యతలు స్వీకరించారు. గతంలో ఈఆర్సీ చైర్మన్ గా పనిచేసిన విశ్రాంత ఐఏఎస్ అధికారి రఘోత్తమరావు పదవీకాలం ఏప్రిల్ 24న పూర్తయింది. అప్పటి నుంచి ఈఆర్సీ సభ్యుడిగా ఉన్న శేఖర్ రెడ్డి తాత్కాలిక చైర్మన్ గా ఆగస్టు 13 వరకు అదనపు బాధ్యతలు నిర్వహించారు. ఆగస్టు 13 నుంచి ఖాళీగా ఉన్న ఈఆర్సీ చైర్మన్ పదవికి రెండు నెలల క్రితమే ప్రభుత్వం వి.భాస్కర్ ను నియమిస్తూ ఆదేశాలు జారీ చేసింది. ఆయన ఈ రోజు సాయంత్రం సింగరేణి భవన్ లో బాధ్యతలు చేపట్టారు.
