: ఒకే పరీక్ష నాలుగు కాలాలపాటు నడిపిస్తుంది

అందుకే 25 ఏళ్లు దాటిన వారందరూ ఏడాదికోసారి బోన్ మినరల్ టెస్ట్ చేయించుకోవడం అవసరం. ఇది తేలికపాటి రక్తపరీక్ష. స్కానింగ్ విధానంలోనూ పరీక్షిస్తారు. 40ఏళ్ల వయసు దాటిన వారైతే ఆరు నెలలకోసారి చేయించుకోవాలి. దానివల్ల మీ ఎముకల పటిష్ఠత ఎంతుందో తెలుసుకోవచ్చు. తద్వారా ఆస్టియో పోరోసిస్ (ఎముకలు గుల్ల బారి పోవడం), ఆర్థరైటిస్ లాంటి వ్యాధుల బారినపడే ప్రమాదం ఉంటే గుర్తించవచ్చు.

ఎముకలు గుల్లబారితే పట్టుతప్పి కింద పడిపోవడం, ఫ్రాక్చర్ అవడం జరుగుతుంది. ముఖ్యంగా రుతుక్రమం ఆగిన మహిళలకు ఆస్టియో పొరోసిస్ ప్రమాదం ఎక్కువ. ఎందుకంటే రుతుక్రమం నిలిచిపోవడంతో హార్మోన్ల పనితీరులో మార్పు వస్తుంది. ఫలితంగా వారికి కాల్షియం లోపిస్తుంది. అందుకే ముందస్తు పరీక్షలతో ఎముకల ఆరోగ్యాన్ని కాపాడుకోవడం సదా శ్రేయస్కరం.