మూవీ రివ్యూ : 'ఒకే ఒక జీవితం'
Movie Name: Oke Oka Jeevitham
Release Date: 2022-09-09
Cast: Sharwanand, Ritu Varma, Amala Akkineni, Vennela Koshore, Priyadarshi
Director:Shree Karthik
Producer: SR Prabhu
Music: Jakes Bijoy
Banner: Dream Warrior Pictures
Rating: 3.00 out of 5
- ఈ రోజునే థియేటర్లకు వచ్చిన 'ఒకే ఒక జీవితం'
- అమ్మ పాత్రలో మెప్పించిన అమల అక్కినేని
- అంతగా ప్రాధాన్యతలేని పాత్రలో రీతూ వర్మ
- నిదానంగా నడిచిన కథనం
- ఫ్యామిలీ ఆడియన్స్ ను ఆకట్టుకునే అంశాలు ఎక్కువ
తెలుగు తెరపైకి ఇంతకుముందు మదర్ సెంటిమెంట్ సినిమాలు చాలానే వచ్చాయి. అలాగే 'ఆదిత్య 369' నుంచి మొన్నటి 'బింబిసార' వరకూ టైమ్ ట్రావెల్ సినిమాలు కూడా వచ్చాయి. కానీ అటు మదర్ సెంటిమెంట్ ను .. ఇటు టైమ్ ట్రావెల్ ట్రాక్ ను కలిపేసి ఒక కొత్త పాయింటును తెరపై ఆవిష్కరిస్తే ఎలా ఉంటుందనడానికి ఉదాహరణగా నిలిచే చిత్రమే 'ఒకే ఒక జీవితం'.
శర్వానంద్ .. రీతూ వర్మ .. అమల అక్కినేని .. వెన్నెల కిశోర్ .. ప్రియదర్శి .. నాజర్ ముఖ్యమైన పాత్రలను పోషించిన ఈ సినిమాకి, ప్రకాశ్ బాబు .. ఎస్. ఆర్. ప్రభు నిర్మాతలుగా వ్యవహరించారు. శ్రీకార్తీక్ దర్శకత్వం వహించిన ఈ సినిమా, ఈ రోజునే థియేటర్లకు వచ్చింది.
అలాగే బిజినెస్ పరంగా ఇబ్బందులు పడుతున్న శ్రీను, తాను బాగా చదువుకుని ఉంటే లైఫ్ వేరేగా ఉండేదని బాధపడుతూ ఉంటాడు. ఇక తాను మంచి జాబ్ చేస్తూ ఉండుంటే మేనమామ కూతురితో తన లగ్గం కుదిరుండేదని చైతూ ఫీలవుతుంటాడు.
అయితే అనుకోని ఒక సంఘటన కారణంగా ఆది .. శ్రీను .. చైతూ ముగ్గురూ కూడా 1998 లోనే ఉండిపోతారు. పదేళ్ల వయసులో ఉన్న ఆ ముగ్గురు పిల్లలు మాత్రం టైమ్ మిషన్ లో 2019 కి వచ్చేస్తారు.
కథ విషయానికి వస్తే .. మొదటి నుంచి చివరివరకూ కూడా ఎక్కడా గందరగోళం ఉండదు. ఒక వైపున తల్లీ కొడుకుల ఎమోషన్ .. మరో వైపు వెన్నెల కిశోర్ - ప్రియదర్శి ట్రాక్ నుంచి కామెడీ .. ఇంకో వైపున టైమ్ ట్రావెల్ నేపథ్యం, ఈ మూడు అంశాలను క్లారిటీతో చెప్పడంలోను .. టైమ్ మిషన్ ను డిజైన్ చేయించుకునే విషయంలోను దర్శకుడు సక్సెస్ అయ్యాడు. ఇటు పెద్దయిన తరువాత పాత్రలు .. అటు చిన్నప్పటి పాత్రలు రెండూ కూడా తెరపై ఒకసారి .. ఒకే ఫ్రేమ్ లో కనిపించడమనే లాజిక్కులని పక్కన పెట్టేస్తే, దర్శకుడు తాను చెప్పదలచుకున్న కథను చాలా నీట్ గా చెప్పాడు.
అయితే హీరో హీరోయిన్ మధ్య లవ్ సీన్స్ గానీ .. రొమాంటిక్ సాంగ్స్ గాని లేవు. అసలు దర్శకుడు ఆ వైపు వెళ్లకపోవడం ఆడియన్స్ కి నిరాశను కలిగించే విషయం. ఇక కథ చాలా నిదానంగా నడవడం, యూత్ కీ .. మాస్ ఆడియన్స్ కి అవసరమైన అంశాలు లేకపోవడం మరో మైనస్ గా అనిపిస్తుంది. కాకపోతే సినిమాకి అత్యంత ముఖ్యమైనవిగా చెప్పుకునే ఇంటర్వెల్ బ్యాంగ్ .. క్లైమాక్స్ లో ఇచ్చిన సందేశం రెండూ కూడా ఇంట్రెస్టింగ్ గా అనిపిస్తాయి.
Peddinti