Balakrishna: బాలయ్య పుట్టినరోజున ఆయన 107వ మూవీ నుంచి ఫస్టు గ్లింప్స్!

బాలకృష్ణ కథానాయకుడిగా ఆయన 107వ సినిమా రూపొందుతోంది. మైత్రీ మూవీ మేకర్స్ వారు నిర్మిస్తున్న ఈ సినిమాకి గోపీచంద్ మలినేని దర్శకత్వం వహిస్తున్నాడు. ఇప్పటికే ఈ సినిమా చిత్రీకరణ కొంతవరకూ జరిగింది. ఈ నెల 10వ తేదీన బాలయ్య బర్త్ డే. ఈ సందర్భాన్ని పురస్కరించుకుని ఈ సినిమా నుంచి ఫస్టు గ్లింప్స్ ను వదలనున్నట్టు ఫస్టు హంట్ లోడింగ్ అంటూ ఒక హింట్ ఇచ్చారు.

ఇంతకుముందు రాయలసీమ ఫ్యాక్షన్ నేపథ్యంలో బాలకృష్ణ చేసిన సినిమాలు దాదాపు సూపర్ హిట్ అయ్యాయి. ఈ సినిమా కూడా ఫ్యాక్షన్ నేపథ్యంలో రూపొందుతోంది. ఈ సినిమా నుంచి వచ్చిన బాలయ్య లుక్ కి మంచి రెస్పాన్స్ వచ్చింది. బోయపాటి తరువాత బాలయ్యను ఆ రేంజ్ లో గోపీచంద్ మలినేని చూపించనున్నాడని అనుకుంటున్నారు. 

రామ్ - లక్ష్మణ్ కంపోజ్ చేసిన యాక్షన్ దృశ్యాలు ఈ సినిమాకి హైలైట్ అంటున్నారు. బాలయ్య సరసన కథానాయికగా శ్రుతి హాసన్ అలరించనుంది. బాలయ్యతో తలపడే ప్రతినాయకుడిగా దునియా విజయ్ కనిపించనున్నాడు. తమన్ ఈ సినిమాకి సంగీతాన్ని సమకూర్చుతున్నాడు. దసరా పండుగకి ఈ సినిమాను విడుదల చేయాలనే ఆలోచనలో ఉన్నారు.