Perni Nani: వీడ్కోలు విందు ఏర్పాటు చేసిన మంత్రి పేర్ని నాని

ఏపీ మంత్రులు ఈరోజు రాజీనామాలు చేయనున్నారు. ముఖ్యమంత్రి జగన్ నేతృత్వంలో ఈరోజు చివరి కేబినెట్ సమావేశం జరుగుతోంది. అంతకు ముందు మీడియాకు మంత్రి పేర్ని నాని వీడ్కోలు విందును ఏర్పాటు చేశారు. ఈ విందు కార్యక్రమానికి మంత్రులు కొడాలి నాని, బాలినేని శ్రీనివాస్ లు కూడా హాజరయ్యారు. 

ఈ సందర్భంగా పేర్ని నాని మాట్లాడుతూ, తనకు ఊపిరి ఉన్నంత వరకు మీడియాను గుర్తుంచుకుంటానని చెప్పారు. ఈ మూడేళ్లలో మీడియా మిత్రులందరినీ పేరుతో పిలిచేంత దగ్గరయ్యానని అన్నారు. మంత్రిగా తనకు అవకాశం ఇచ్చిన జగన్ రుణాన్ని ఎన్ని జన్మలెత్తినా తీర్చుకోలేనని చెప్పారు.