RGV: త‌న పేరుతో వెలిసిన హోట‌ల్ చూసి ఆర్జీవీ ఆశ్చ‌ర్యం.. వీడియో పోస్ట్ చేసిన వ‌ర్మ‌

వివాదాస్ప‌ద ద‌ర్శ‌కుడు రామ్ గోపాల్ వ‌ర్మ‌కు ఓ కుటుంబంలోని వారంద‌రూ అభిమానులే. ఆయ‌న‌పై అభిమానం అంటే మామూలు అభిమానం కాదు. ఆయ‌న పేరిట హోట‌ల్ పెట్టేసి, దాని నిండా ఆర్జీవీ సూక్తుల పోస్ట‌ర్ల‌ను కూడా ముద్రించి క‌స్ట‌మ‌ర్ల‌తో చ‌దివిస్తున్నారు. ఆర్జీవీ చెప్పిన మాట‌లు దైవ వాక్కుల్లా ఉన్నాయని చెబుతున్నారు. ఆ హోట‌ల్‌కు సంబంధించిన ఓ వీడియోను ఆర్జీవీ స్వ‌యంగా పోస్ట్ చేస్తూ ఆస‌క్తిక‌ర వ్యాఖ్య చేశారు.

'నా పేరుతో హోట‌ల్ ఉంది. నేను చ‌చ్చిపోయినట్లు నాకు అనిపిస్తోంది' అంటూ సెటైర్ వేశారు. బెండ‌మూర్లంక గ్రామంలో ఈ టిఫిన్ సెంట‌ర్ ఉంది. ఆర్జీవీ వీరాభిమాని వెంకట రమణ ఈ టిఫిన్ సెంట‌ర్ పెట్టుకున్నాడు. అత‌డి తల్లి, సోదరుడు కూడా ఆర్జీవీ అభిమానులే. ఆర్జీవీ పోస్ట్ చేసిన ఈ వీడియోపై నెటిజ‌న్లు సెటైర్లు వేస్తున్నారు.