Yajuvendra Chahal: కాబోయే భార్యతో ఉన్న పిక్ ను షేర్ చేసుకున్న యజువేంద్ర చాహల్

తనకు కాబోయే భార్య ధనశ్రీ వర్మతో కలిసున్న పిక్ ను భారత క్రికెట్ జట్టు స్పిన్నర్ యజువేంద్ర చాహల్, తన ఇన్ స్టాగ్రామ్ ఖాతాలో షేర్ చేసుకోగా, అది వైరల్ అయింది. ఈ జంట చూడముచ్చటగా ఉందని కామెంట్లు వస్తున్నాయి. ఇటీవలే వీరిద్దరికీ నిశ్చితార్థం జరిగింది.

ఇక ధనశ్రీ నేలపై కూర్చుని ఉండగా, పక్కనే నిలబడిన చాహల్, రెండు చేతులతో లవ్ సింబల్ పెట్టాడు. చాహల్ తనకు కాబోయే శ్రీమతిపై ఉన్న ప్రేమను ఒకే ఫొటోలో చూపించాడని ఫ్యాన్స్ అంటున్నారు. కాగా, ఈ ఐపీఎల్ సీజన్ లో చాహల్, రాయల్ చాలెంజర్స్ జట్టుకు ప్రాతినిధ్యం వహిస్తున్న సంగతి తెలిసిందే. సెప్టెంబర్ 19 నుంచి యూఏఈలో జరగబోయే మ్యాచ్ ల కోసం త్వరలోనే తన టీమ్ తో కలిసి చాహల్ బయలుదేరనున్నాడు.