Kadapa District: కడపలో కలకలం.. పరస్పరం కర్రలతో దాడులు చేసుకున్న ఇరు వర్గాలు.. ఒకరి మృతి

కడప మున్సిపల్ మైదానంలో కలకలం చెలరేగింది. ఇరు వర్గాల మధ్య గొడవ చెలరేగి ఘర్షణ చోటు చేసుకోవడంతో ఒకరు ప్రాణాలు కోల్పోయారు. ఘర్షణకు దిగిన వారంతా కూరగాయల దుకాణదారులేనని తెలిసింది. ఓ విషయంలో ఏర్పడిన గొడవ కర్రలతో దాడులు చేసుకునే వరకు వెళ్లింది.

మైదానంలో తీవ్ర వాగ్వివాదానికి దిగిన కూరగాయల దుకాణదారులు రెండు వర్గాలుగా విడిపోయి పరస్పరం కర్రలతో దాడి చేసుకోవడంతో ఆ ప్రాంతంలో ఉద్రిక్త పరిస్థితులు నెలకొన్నాయి. ఈ ఘటనపై సమాచారం అందుకున్న పోలీసులు ఘటనాస్థలికి చేరుకుని, పరిస్థితులను అదుపులోకి తెచ్చారు. ఈ ఘటనపై కేసు నమోదు చేసుకుని దర్యాప్తు ప్రారంభించారు. ఈ ఘటనలో కొందరిని అరెస్టు చేసినట్లు తెలిసింది.