Siva Reddy: వైయస్ సన్నిహితుడు, మాజీ ఎమ్మెల్యే శివారెడ్డి కన్నుమూత
- కొంత కాలంగా అనారోగ్యంతో బాధపడుతున్న శివారెడ్డి
- ఆయన వయసు 83 ఏళ్లు
- సాయంత్రం ప్రొద్దుటూరులో అంత్యక్రియలు
సీనియర్ రాజకీయ నేత, కడప జిల్లా కమలాపురం నియోజకవర్గం మాజీ ఎమ్మెల్యే శివారెడ్డి కన్నుమూశారు. ఆయన వయసు 83 ఏళ్లు. కొంత కాలంగా అనారోగ్యంతో బాధపడుతున్న ఆయన... ప్రొద్దుటూరులోని ఓ ప్రైవేట్ ఆసుపత్రిలో చికిత్స పొందారు. ఈ ఉదయం ప్రొద్దుటూరులోని స్వగృహంలో తుదిశ్వాస విడిచారు.
దివంగత వైయస్ రాజశేఖరరెడ్డికి శివారెడ్డి అత్యంత సన్నిహితుడు. ఆయన మృతి పట్ల పలువురు నేతలు సంతాపం ప్రకటించారు. శివారెడ్డి మరణంతో ఆయన స్వగ్రామం ఎర్రగుంట్లలో విషాదం నెలకొంది. ఈ సాయంత్రం నాలుగు గంటలకు ప్రొద్దుటూరులో అంత్యక్రియలను నిర్వహించనున్నారు. 1978లో కమలాపురం నియోజకవర్గం నుంచి స్వతంత్ర అభ్యర్థిగా పోటీ చేసి ఆయన గెలుపొందారు.
