maheshbabu: 'స్పైడర్' డబ్బింగ్ లో బిజీగా మహేశ్ బాబు!
'స్పైడర్' సినిమా కోసం మహేశ్ బాబు అభిమానులంతా ఆసక్తిగా ఎదురుచూస్తున్నారు. ఒక పాట మినహా ఈ సినిమా షూటింగ్ అంతా పూర్తయింది. తెలుగుతో పాటు తమిళం .. హిందీ భాషల్లో ఈ సినిమాను విడుదల చేయనున్నారు. తెలుగుతో పాటు తమిళంలోను మహేశ్ బాబు డబ్బింగ్ చెబుతూ బిజీగా వున్నారు.
కొరటాల శివ దర్శకత్వంలో ఆయన 'భరత్ అను నేను' సినిమా చేస్తున్నాడు. ప్రస్తుతం ఈ సినిమా షూటింగ్ దశలో వుంది. ఒక వైపున ఆ మూవీ షూటింగులో పాల్గొంటూనే, మరో వైపున ఆయన 'స్పైడర్' మూవీ డబ్బింగ్ ను పూర్తి చేసే పనిలో వున్నాడు. 'స్పైడర్' సెప్టెంబర్ 27వ తేదీన ప్రేక్షకుల ముందుకు రానుండగా, 'భరత్ అను నేను' సంక్రాంతికి ప్రేక్షకుల ముందుకు రానుంది.
