nani: నాని న్యూ మూవీ రిలీజ్ డేట్ ఫిక్స్!
యూత్ కి .. ఫ్యామిలీ ఆడియన్స్ కి 'నిన్నుకోరి' సినిమా తెగ నచ్చేసింది. దాంతో సహజంగానే ఈ సినిమా నానీకి హిట్ తెచ్చి పెట్టేసింది. ఆ ఉత్సాహంతో నాని తన తదుపరి సినిమా 'మిడిల్ క్లాస్ అబ్బాయి'ని కూడా చకచకా పూర్తి చేయనున్నాడు. దిల్ రాజు నిర్మాణంలో వేణు శ్రీరామ్ దర్శకత్వంలో ఈ సినిమా రూపొందుతోంది.
ఇప్పటికే ఈ సినిమా 30 శాతం చిత్రీకరణను పూర్తి చేసుకుంది. ఈ సినిమా వచ్చే ఏడాది ఆరంభంలో వస్తుందేమోనని నాని అభిమానులు అనుకున్నారు. కానీ ఈ డిసెంబర్లోనే రానున్నట్టుగా వార్తలు వచ్చాయి. ఇక డిసెంబర్ 28వ తేదీని విడుదల తేదీగా నిర్ణయించారనేది తాజా సమాచారం. ఈ ఏడాది ఆరంభంలో 'నేను లోకల్'తో హిట్ కొట్టిన నాని .. రీసెంట్ గా 'నిన్నుకోరి'తో మరో విజయాన్ని అందుకున్నాడు. ఇక ఏడాది చివరిలో 'మిడిల్ క్లాస్ అబ్బాయి'గా మరో సక్సెస్ ను ఖాతాలో వేసుకుని, తన ప్రత్యేకతను చాటుకుంటాడేమో చూడాలి.
