: క్వీన్ ఆఫ్ రణతంబోర్ ఇక లేదు.. ప్రపంచంలోనే అతి వృద్ధ పులి మాచిల్ కన్నుమూత

క్వీన్ ఆఫ్ రణతంబోర్, లేడీ ఆఫ్ ద లేక్స్, క్రోకడైల్ కిల్లర్.. తదితర ముద్దు పేర్లతో పిలుచుకునే ప్రపంచంలోని అతి వృద్ధ పులి మాచిల్ కన్నుమూసింది. రాజస్థాన్‌లోని రణతంబోర్ జాతీయ పార్క్‌లో ఉన్న ఈ వృద్ధ రాజం గత కొన్నేళ్లుగా అనారోగ్యంతో బాధపడుతోంది. పరిస్థితి విషమించడంతో గురువారం కన్నుమూసింది. సాధారణంగా పులుల జీవిత కాలం 10-15 ఏళ్లే. కానీ మాచిల్‌ ఈ ఏడాది మే నాటికి 20 ఏళ్లు పూర్తి చేసుకుంది. అయితే ఆ తర్వాత క్రమంగా దాని ఆరోగ్యం క్షీణిస్తూ వచ్చింది. ముఖ్యంగా కోరలు(దంతాలు) కోల్పోయిన తర్వాత వేటాడడంలో కష్టాలు ఎదుర్కొంది. ఫలితంగా దాని ఆరోగ్యం మరింత దెబ్బతింది. మాచిల్ మరణించిన విషయాన్ని రాజస్థాన్ ముఖ్యమంత్రి వసుంధరా రాజే ట్విట్టర్ ద్వారా తెలిపారు.