ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

యూపీలో చీకటి దందా!... రూ.50లకే రేప్ వీడియోలు దొరుకుతున్న వైనం!

Thu, Aug 04, 2016, 09:38 AM
Related Image అత్యాచారాలకు కేరాఫ్ అడ్రెస్ గా నిలుస్తున్న ఉత్తరప్రదేశ్ లో మరో చీకటి దందా వెలుగుచూసింది. అసహాయులైన మహిళలు, బాలికలపై విరుచుకుపడుతున్న మృగాళ్లు... తాము పాల్పడుతున్న దుర్మార్గాలను సెల్ ఫోన్లలో చిత్రీకరిస్తున్నారు. ఆ తర్వాత సదరు వీడియోలను వారు నేరుగా మొబైల్ షాపులకు అందజేస్తున్నారు. వీటిని ఆ మొబైల్ షాపు యజమానులు విచ్చలవిడిగా అమ్ముకుంటూ సొమ్ము చేసుకుంటున్నారు. ఈ దందా మొత్తం బహిరంగంగానే జరుగుతున్నా... పోలీసులు కాని, అధికార యంత్రాంగం కాని దీనిని అరికట్టేందుకు ఎలాంటి చర్యలు చేపట్టడం లేదు.

వెరసి అత్యంత క్రూరమైన ఈ నేరాలకు సంబంధించిన వీడియోలు రోజూ వందలు, వేలల్లో విక్రయమైపోతున్నాయి. అది కూడా యూపీలోని ఏ ఒక్క ప్రాంతానికో పరిమితం కాలేదు. యావత్తు రాష్ట్రం మొత్తంలో ఈ వ్యవహారం సాగుతోంది. రేప్ ఘటనలకు చెందిన ఈ వీడియోలను వాటి నిడివిని ఆధారం చేసుకుని రేటు నిర్ణయిస్తున్నారు. 30 సెకన్ల పాటు ఉండే వీడియోను రూ.50 కు విక్రయిస్తున్న దుర్మార్గులు... 5 నిమిషాల నిడివి ఉన్న వీడియోను కేవలం రూ.150 కు విక్రయిస్తున్నారు. ఈ దందాపై జాతీయ మీడియాలో పలు ఆసక్తికర కథనాలు వెలువడుతున్నాయి.
X

Feedback Form

Your IP address: 54.147.211.117
Articles (Latest)
Articles (Education)