ap7am logo
Logo Bar bseindia nse-india msn yahoo youtube facebook google thehindu bbc ndtv v6 ABN NTv Tv9 etv namasthetelangaana sakshi andhrajyothy eenadu ap7am bhakti espncricinfo wikipedia twitter

విరాళాల రూపంలో ఫీజులు ఇద్దురుగాని... ముందు చదువుకోండి!: ఐఐటీయన్లకు ఖరగ్ పూర్ బంపరాఫర్

Mon, Aug 01, 2016, 02:56 PM
కేంద్ర ప్రభుత్వం నుంచి నిధుల కోతను ఎదుర్కొంటున్న ఖరగ్ పూర్ ఐఐటీ, నిధుల సమీకరణ కోసం కొత్త మార్గాన్ని ఎంచుకుంది. విద్యార్థులు ఎవరైనా, ఉద్యోగం తెచ్చుకున్న తరువాత ఫీజులు చెల్లిస్తామని అంగీకరిస్తే, వారు చెల్లించాల్సిన ఫీజులను మాఫీ చేస్తామని చెబుతూ 'లెర్న్ - ఎర్న్ - రిటర్న్ ఫండ్' పథకాన్ని ప్రకటించింది. విద్యను అభ్యసించి, ఆపై ఉద్యోగం తెచ్చుకుని డబ్బు సంపాదించడం ప్రారంభించిన తరువాత, కళాశాలకు విరాళాల రూపంలో చెల్లించేలా రూపొందించినదే ఈ కొత్త పథకం. ప్రస్తుత విద్యా సంవత్సరం నుంచే విద్యార్థులు ఈ స్కీములో చేరి ఫీజు మినహాయింపులు పొందవచ్చని ఐఐటీ డైరెక్టర్ పార్థ ప్రతీమ్ చక్రవర్తి వెల్లడించారు.

ఉద్యోగం వచ్చిన తరువాత ఏడాదికి కనీసం రూ. 10 వేల చొప్పున చెల్లించాల్సి వుంటుందని, తమ పూర్వ విద్యార్థులలో కనీసం 30 వేల మంది ఈ విధంగా విరాళమిచ్చినా అది ఏడాదికి రూ. 30 కోట్లు అవుతుందని ఆయన అన్నారు. ప్రపంచ ప్రఖ్యాత హార్వార్డ్ యూనివర్శిటీలో 60 శాతం బడ్జెట్ నిధులు ఈ తరహాలో విద్యాభ్యాసం చేసిన పూర్వ విద్యార్థుల ద్వారానే లభిస్తున్నాయని గుర్తు చేశారు.

ప్రతిభ, ఆర్థిక స్తోమత ఆధారంగా గ్రేడింగ్ పద్ధతిలో ఈ స్కీముకి విద్యార్థులను ఎంపిక చేస్తారు. 100 లోపు ర్యాంకు తెచ్చుకుని ఈ ఏడాది మొదటి సంవత్సరంలో చేరిన విద్యార్థులకు కూడా ఈ స్కీము వర్తిస్తుంది. కాగా, ఈ ఏడాది నుంచి ఐఐటీలలో బీటెక్ కోర్సు ఫీజు 90000 నుంచి 2 లక్షల రూపాయలకు పెంచిన సంగతి విదితమే!
X

Feedback Form

Your IP address: 50.16.17.16
Articles (Latest)
Articles (Education)