: 'జనతా గ్యారేజ్' క్లైమాక్స్ శాంపిల్ ను అప్ లోడ్ చేసిన నటుడు బ్రహ్మాజీ!

14-07-2016 Thu 10:20 | Entertainment

ఎన్టీఆర్ తాజా చిత్రం 'జనతా గ్యారేజ్'లో క్లైమాక్స్ ఫైట్ సీన్ ఎలా ఉంటుందో నటుడు బ్రహ్మాజీ తన ట్విట్టర్ ఖాతాలో అప్ లోడ్ చేశాడు. గ్యారేజ్ లో వర్షం పడుతున్న వేళ తీసిన ఈ ఫైటింగ్ దృశ్యాలను అభిమానులతో పంచుకున్నాడు. చిత్రంలోని ఫైట్లు ఎలా ఉంటాయో టేస్ట్ చూపిస్తున్న ఈ వీడియో ఇప్పుడు సామాజిక మాధ్యమాల్లో దూసుకెళుతోంది. రెండు వరుస విజయాల తరువాత హ్యాట్రిక్ పై కన్నేసిన ఎన్టీఆర్, ఈ చిత్రాన్ని ప్రతిష్ఠాత్మకంగా తీసుకున్న సంగతి తెలిసిందే. తన ట్విట్టర్ ఖాతా ద్వారా క్లైమాక్స్ లో వీడియో లింకును ఉంచిన బ్రహ్మాజీ, వీడియోను ఇన్ స్టాగ్రామ్ లో పోస్టు చేశాడు.