New Criminal Laws: పీనల్ కోడ్ స్థానంలో కొత్త క్రిమినల్ చట్టాలు... జులై 1 నుంచి అమలు

New Criminal Laws will replace IPC and CrPC from July 1
  • ఇప్పటివరకు భారత్ లో ఐపీసీ, సీఆర్పీసీ, ఎవిడెన్స్ యాక్ట్ ల అమలు
  • వాటి స్థానంలో మూడు కొత్త చట్టాలకు కేంద్రం రూపకల్పన
  • గత పార్లమెంటు సమావేశాల్లో కొత్త చట్టాలకు ఆమోదం
  • రాజముద్ర వేసిన రాష్ట్రపతి ముర్ము

బ్రిటీష్ వలస పాలన నాటి క్రిమినల్ చట్టాలకు ఇక కాలం చెల్లింది. వాటి స్థానంలో కొత్త క్రిమినల్ చట్టాలను భారత కేంద్ర ప్రభుత్వం తీసుకువచ్చింది. ఈ కొత్త చట్టాలు జులై 1 నుంచి అమల్లోకి వస్తాయని కేంద్రం నేడు ప్రకటించింది. 

ఈ కొత్త చట్టాల పేర్లు భారతీయ న్యాయ సంహిత, భారతీయ నాగరిక్ సురక్ష, భారతీయ సాక్ష్య. 

ఇండియన్ పీనల్ కోడ్-1860, కోడ్ ఆఫ్ క్రిమినల్ ప్రొసీజర్ (సీఆర్పీసీ)-1973, ఇండియన్ ఎవిడెన్స్ యాక్ట్-1872 చట్టాల స్థానంలో కొత్త చట్టాలు అమల్లోకి రానున్నాయి. 

ఈ మూడు చట్టాలకు పార్లమెంటు ఆమోదం లభించగా, గత డిసెంబరులో రాష్ట్రపతి ద్రౌపది ముర్ము కూడా రాజముద్ర వేశారు. తాజాగా, కొత్త క్రిమినల్ చట్టాల  అమలు తేదీపై గెజిట్ విడుదల చేశారు.

  • Loading...

More Telugu News