Mithun Chakraborty: తీవ్ర అస్వస్థతకు గురైన మిథున్ చక్రవర్తి... హుటాహుటీన ఆసుపత్రికి తరలింపు

బాలీవుడ్ సీనియర్ నటుడు, బీజేపీ నేత మిథున్ చక్రవర్తి (73) ఛాతీలో నొప్పితో ఆసుపత్రిలో చేరారు. మిథున్ చక్రవర్తి కోల్ కతాలోని తన నివాసంలో ఈ ఉదయం తీవ్ర అస్వస్థతకు గురయ్యారు. ఛాతీలో నొప్పి రావడంతో ఆయనను కుటుంబ సభ్యులు హుటాహుటీన ఆసుపత్రికి తరలించారు. ఆయనకు కోల్ కతాలోని ఓ ప్రైవేటు ఆసుపత్రిలో ఐసీయూలో చికిత్స అందిస్తున్నారు. మిథున్ చక్రవర్తిని ఆసుపత్రికి తరలించారన్న వార్తతో దేశవ్యాప్తంగా  ఉన్న ఆయన అభిమానుల్లో ఆందోళన నెలకొంది. ఆయన ప్రస్తుత పరిస్థితిపై ఎలాంటి సమాచారం లేకపోవడంతో అభిమానులు కంగారు పడుతున్నారు.