Vijayakanth: సినీ నటుడు విజయకాంత్ ఆరోగ్య పరిస్థితిపై హెల్త్ బులెటిన్
- చెన్నైలోని మయత్ ఆసుపత్రిలో విజయకాంత్ కు చికిత్స
- పల్మనరీ చికిత్స అందిస్తున్న వైద్యులు
- మరో 14 రోజుల పాటు నిరంతర చికిత్స అవసరమన్న డాక్టర్లు
సీనియర్ సినీ నటుడు, డీఎండీకే అధినేత విజయకాంత్ ఆరోగ్య పరిస్థితి విషమంగా ఉందంటూ వార్తలు వైరల్ అవుతున్నాయి. చెన్నైలోని మయత్ ఆసుపత్రిలో ప్రస్తుతం ఆయన చికిత్స పొందుతున్నారు. మరోవైపు విజయకాంత్ ఆరోగ్య పరిస్థితిపై ఆసుపత్రి యాజమన్యం బులెటిన్ విడుదల చేసింది. విజయకాంత్ ఆరోగ్యం మెరుగుపడిందని... అయితే, గత 24 గంటల నుంచి ఆరోగ్య పరిస్థితి స్థిరంగా లేదని వైద్యులు చెప్పారు. ప్రస్తుతం ఆయనకు పల్మనరీ చికిత్స అందిస్తున్నామని తెలిపారు. మరో 14 రోజుల పాటు ఆసుపత్రిలో నిరంతర చికిత్స అవసరం ఉందని చెప్పారు. ఆయన త్వరగా కోలుకుంటారని ఆశిస్తున్నట్టు తెలిపారు.
మరోవైపు ఎండీఎంకే పార్టీ కూడా విజయకాంత్ ఆరోగ్యంపై ప్రకటన చేసింది. సాధారణ వైద్య పరీక్షల కోసమే విజయకాంత్ ఆసుపత్రిలో చేరారని... ఒకట్రెండు రోజుల్లో ఆయన ఇంటికి తిరిగి వస్తారని తెలిపింది. ఆయనపై వస్తున్న వదంతులను ఎవరూ నమ్మొద్దని విన్నవించింది.
