Bendalam Ashok: నల్ల జెండాలతో నిరసన ర్యాలీ... టీడీపీ ఎమ్మెల్యే బెందాళం అశోక్ అరెస్ట్
- ఇచ్ఛాపురంలో వైసీపీ సామాజిక సాధికార బస్సు యాత్ర
- భారీ నిరసన ర్యాలీ చేపట్టిన టీడీపీ ఎమ్మెల్యే బెందాళం అశోక్
- కవిటిలో ఉద్రిక్తత
శ్రీకాకుళం జిల్లా కవిటిలో ఉద్రిక్త పరిస్థితులు నెలకొన్నాయి. టీడీపీ ఎమ్మెల్యే బెందాళం అశోక్ ను పోలీసులు అరెస్ట్ చేసి కవిటి పోలీస్ స్టేషన్ కు తరలించారు. ఇచ్ఛాపురంలో నేడు వైసీపీ సామాజిక సాధికార బస్సు యాత్ర చేపడుతోంది. ఈ యాత్రను నిరసిస్తూ టీడీపీ ఎమ్మెల్యే బెందాళం అశోక్ కుమార్ భారీ నిరసన ర్యాలీ చేపట్టారు.
రామయ్యపుట్టుగలోని ఎమ్మెల్యే క్యాంప్ ఆఫీసు నుంచి కవిటిలో అంబేద్కర్ విగ్రహం వరకు ఈ నిరసన ర్యాలీ జరిగింది. ఈ సందర్భంగా టీడీపీ కార్యకర్తలు నినాదాలతో హోరెత్తించారు. ఈ దశలో పోలీసులు రంగప్రవేశం చేసి ఎమ్మెల్యే అశోక్ ను అదుపులోకి తీసుకున్నారు. దాంతో పోలీసుల వైఖరిపై టీడీపీ శ్రేణులు తీవ్ర ఆగ్రహం వ్యక్తం చేశాయి.
