WhatsApp: వాట్సాప్ లో ఒకేసారి 100కు పైగా ఫొటోలు, వీడియోలు షేరింగ్
- ఆండ్రాయిడ్ యూజర్లకు అందుబాటులోకి అప్ డేటెడ్ వెర్షన్
- ప్రస్తుతం ఒకేసారి 30 వరకే ఫొటోలు, వీడియోలు పంపుకునే పరిమితి
- ప్లే స్టోర్ కు వెళ్లి అప్ డేట్ చేసుకుంటే కొత్త ఫీచర్లు
ఒకేసారి 30కి మించి ఫొటోలు పంపించలేక.. కొన్ని కొన్ని చొప్పున ఒకటికి నాలుగు సార్లు పంపిస్తూ యూజర్లు పడే ఇబ్బందిని వాట్సాప్ అర్థం చేసుకున్నట్టుంది. అందుకే ఈ ఫీచర్ ను మరింత సౌకర్యవంతంగా మార్చింది. ఒకే విడత 100కు పైగా ఫొటోలు, వీడియోలు పంపుకునేందుకు కెపాసిటీని పెంచింది. గతంలో వీడియోలు అయినా, ఫొటోలు అయినా 30కి మించి పంపడానికి వీలయ్యేది కాదు. ఇక మీదట ఈ ఇబ్బంది ఉండదు. ఇందుకు సంబంధించిన వాట్సాప్ అప్ డేటెడ్ వెర్షన్ ఆండ్రాయిడ్ యూజర్లకు అందుబాటులోకి వచ్చింది.
