Kiran Abbavaram: 'సెబాస్టియన్ పీసీ 524' నుంచి 'హేలి' సాంగ్ విడుదల.. హ్యాట్రిక్ కు సిద్ధమవుతున్న కిరణ్ అబ్బవరం

  • కిరణ్ సరసన నటించిన కోమలీ ప్రసాద్, నువేక్ష
  • దర్శకత్వం వహించిన బాలాజీ సయ్యపురెడ్డి
  • రేచీకటి కథాంశంగా తెరకెక్కిన చిత్రం
Heli song released from Kiran Abbavaram movie Sebastian PC 524

'రాజావారు రాణిగారు' సినిమాతో టాలీవుడ్ లోకి ఎంట్రీ ఇచ్చిన యంగ్ హీరో కిరణ్ అబ్బవరం తొలి చిత్రంతోనే ప్రేక్షకులను ఆకట్టుకున్నారు. ఆ తర్వాత 'ఎస్ఆర్ కల్యాణమండపం' సినిమాతో మంచి హిట్ అందుకున్నారు. అన్ని వర్గాల ప్రేక్షకుల్లో మంచి పేరు తెచ్చుకున్నారు.

తాజాగా 'సెబాస్టియన్ పీసీ 524' చిత్రంతో హ్యాట్రిక్ ను అందుకోవడానికి ఆయన ప్రేక్షకుల ముందుకు వస్తున్నారు. ఈ చిత్రంలో కోమలీ ప్రసాద్, నువేక్ష (నమ్రతా దరేకర్) హీరోయిన్లుగా నటిస్తున్నారు. బాలాజీ సయ్యపురెడ్డి ఈ చిత్రానికి దర్శకత్వం వహిస్తుండగా... జ్యోవిత సినిమాస్ పతాకంపై ఎలైట్ ఎంటర్టైన్ మెంట్ సమర్పణలో సిద్ధారెడ్డి, జయచంద్రారెడ్డి, ప్రమోద్ ఈ చిత్రాన్ని నిర్మించారు. ప్రైమ్ షో ఎంటర్టైన్ మెంట్ సంస్థ ఈ చిత్రాన్ని ప్రపంచవ్యాప్తంగా విడుదల చేస్తోంది.

ఈరోజు ఈ చిత్రంలోని 'హేలి' సాంగ్ ను విడుదల చేశారు. హీరోకి, హీరోయిన్ కు మధ్య సాగే ప్రేమగీతం ఇది. ఆదిత్య మ్యూజిక్ ద్వారా పాటలు విడుదల అవుతున్నాయి. రేచీకటి నేపథ్యంలో ఈ సినిమా తెరకెక్కింది. రేచీకటి గల హీరోకి పోలీస్ కానిస్టేబుల్ ఉద్యోగం వస్తుంది. అతడు నైట్ టైం డ్యూటీ ఎలా చేశాడు? రేచీకటి వల్ల ఎటువంటి ఇబ్బందులు ఎదురయ్యాయి? అనేది సినిమా కథాంశంగా తెలుస్తోంది. ఈ చిత్రంలో శ్రీకాంత్ అయ్యంగార్, సూర్య, రోహిణీ రఘువరన్, ఆదర్ష్ బాలకృష్ణ, జార్జ్, మహేష్ విట్టా, రవితేజ, రాజ్ విక్రమ్, లత, ఇషాన్, రాజేష్ తదితరులు ప్రధాన పాత్రలు పోషించారు.

  • Loading...

More Telugu News