Amma Odi: 'అమ్మఒడి' సినిమాలో నటిస్తున్న వైసీపీ ఎమ్మెల్యే

  • పాడేరులో షూటింగ్ జరుపుకుంటున్న అమ్మఒడి సినిమా
  • సినిమాలో ఉపాధ్యాయుడి పాత్రను పోషిస్తున్న ఎమ్మెల్యే చెట్టి ఫాల్గుణ
  • అమ్మఒడి పథకంపై సినిమా తీస్తుండటం సంతోషంగా ఉందన్న ఫాల్గుణ
YSRCP MLA Chetti  Phalguna acting in Amma Odi film

వైసీపీ ప్రభుత్వం అత్యంత ప్రతిష్ఠాత్మకంగా అమలు చేస్తున్న పథకాల్లో 'అమ్మఒడి' పథకం ఒకటి. తాజాగా ఈ పథకాన్ని ఆధారంగా చేసుకుని టాలీవుడ్ లో ఓ సినిమా తెరకెక్కుతోంది. 'అమ్మఒడి' పేరుతో తెరకెక్కుతున్న ఈ చిత్రంలో వైసీపీ ఎమ్మెల్యే చెట్టి ఫాల్గుణ నటిస్తున్నారు. ఇందులో ఆయన ఉపాధ్యాయుడి పాత్రను పోషిస్తున్నారు.

తాజాగా ఈ చిత్రం షూటింగ్ పాడేరు మండలంలోని దిగుమోదాపుట్టు గిరిజన ఆశ్రమ పాఠశాలలో జరుగుతోంది. చెట్టి ఫాల్గుణపై కొన్ని సన్నివేశాలను చిత్రీకరించారు. ఈ సందర్భంగా పాల్గుణ మాట్లాడుతూ ముఖ్యమంత్రి జగన్ ప్రవేశపెట్టిన అమ్మఒడి పథకంపై సినిమా తీయడం సంతోషంగా ఉందని అన్నారు. మరోవైపు గతంలో ఫాల్గుణ ఉపాధ్యాయుడిగా, బ్యాంకర్ గా పని చేశారు.

More Telugu News