Roja: 108 వాహనాన్ని స్వయంగా నడిపిన రోజా.... వీడియో ఇదిగో!
- ఇటీవలే కొత్త అంబులెన్స్ లు ప్రారంభించిన సీఎం జగన్
- నగరి నియోజకవర్గంలో వాహనాలకు పచ్చజెండా ఊపిన రోజా
- చంద్రబాబుపైనా, టీడీపీపైనా విమర్శలు
ఏపీ సీఎం జగన్ ఇటీవలే ఆధునిక సౌకర్యాలతో కూడిన 108, 104 వాహనాలను ప్రారంభించిన సంగతి తెలిసిందే. ఆ వాహనాలన్నీ జిల్లాలకు చేరుకున్నాయి. ఈ నేపథ్యంలో, వైసీపీ ఎమ్మెల్యే రోజా నగరి నియోజకవర్గంలో 108, 104 వాహనాలను ప్రారంభించారు. ఈ క్రమంలో ఓ 108 అంబులెన్స్ ను రోజా స్వయంగా నడిపి అందరినీ ఆశ్చర్యానికి గురిచేశారు. ఆమె ట్రాఫిక్ లో సైతం అలవోకగా వాహనాన్ని నడుపుకుంటూ వెళ్లారు. ఈ సందర్భంగా రోజా మాట్లాడుతూ, చంద్రబాబుపైనా, టీడీపీపైనా ధ్వజమెత్తారు. మంచి పనులు చేస్తూ సీఎం జగన్ ప్రజల గుండెల్లో చోటు దక్కించుకుంటుంటే చంద్రబాబు, ఇతర టీడీపీ నేతలు తిన్నది అరక్క ఆరోపణలు చేస్తున్నారని మండిపడ్డారు.
