Akkineni Amala: నాగార్జున ఉండగా మా ఇంట్లో మరొకరు వంట చేయడం ఎందుకు?: అమల

కరోనా లాక్ డౌన్ కారణంగా ఇంటికే పరిమితమైన అక్కినేని అమలను ఓ మీడియా సంస్థ ఇంటర్వ్యూ చేసింది. ఈ సందర్భంగా అమల ఆసక్తికర విషయాలు వెల్లడించారు. సమంత అక్కినేని కుటుంబ సభ్యుల కోసం ఎప్పుడైనా వంట చేశారా అన్న ప్రశ్నకు బదులిస్తూ, అక్కినేని ఫ్యామిలీలో నాగార్జున వంటి చేయితిరిగిన కుక్ ఉండగా, మరొకరు వంట చేయడం ఎందుకని అన్నారు.

నాగ్ మంచి కుక్ అని, సమంతకు ఆ అవకాశం రాలేదని వెల్లడించారు. అంతేకాదు, తనకు కూడా వంట సరిగా రాదని అమల పేర్కొన్నారు. నాగ్ మంచి నటుడున్న సంగతి తెలుసు కానీ, ఆయనలో మంచి పాకశాస్త్ర నిపుణుడు ఉన్నాడన్న సంగతి మాత్రం తాజాగా అమల ద్వారానే వెల్లడైంది.