Andhra Pradesh: చెల్లని చెక్కులు ఇచ్చే అలవాటు రోజాకే ఉంది: బుద్ధా వెంకన్న
- రోజా ఎప్పుడైనా నిజం చెప్పారా?
- చెక్కులు చెల్లలేదని ఎవరైనా చెప్పారా?
- సినీ రంగంలో ఉన్నప్పుడు ఆమె చెల్లని చెక్కులు ఇచ్చింది!
డ్వాక్రా మహిళలకు మూడు చెక్కులిచ్చేసి పండగ చేసుకోండని చంద్రబాబు అంటున్నారంటూ వైసీపీ నేత రోజా విమర్శించిన విషయం తెలిసిందే. ఈ విమర్శలపై టీడీపీ నేత బుద్ధా వెంకన్న ఘాటు కౌంటర్ ఇచ్చారు. రోజా ఎప్పుడైనా నిజం చెప్పారా? ఈ చెక్కులు తీసుకున్న వారెవరైనా చెల్లలేదని చెప్పారా? అని ప్రశ్నించారు. చెల్లని చెక్కులు ఇచ్చే అలవాటు రోజాకే ఉంది కనుక, ఈ చెక్కులు కూడా చెల్లనివని ఆమె అనుకుంటోందని సెటైర్లు విసిరారు. సినీ రంగంలో ఉన్నప్పుడు ఆమె చెల్లని చెక్కులు ఇచ్చిన విషయం అందరికీ తెలుసని రోజాపై సెటైర్ వేశారు.
